ანჯელინა ჯოლი ბრედ პიტთან დაშორებაზე საუბრობს

ავტორი: zura76 / 13.08.2020/ ნანახია: 192 / კომენტარები: 0

0 0

15.93 Гб

ანჯელინა ჯოლისა და ბრედ პიტის დაშორების ამბავი გულშემატკივრებისთვის შოკისმომგვრელი იყო და დღემდე უჭირთ იმის დაჯერება, რომ ჰოლივუდის ყველაზე ლამაზ წყვილად აღიარებული ბრანჯელინა ერთად აღარ არის.
მას შემდეგ დაშორების მიზეზებზე ანჯელინამაც და ბრედმაც რამდენჯერმე ისაუბრეს პრესასთან, თუმცა საზოგადოებისთვის ეს მიზეზები რატომღაც არასდროს არის დამაჯერებელი. ენჯი ბრედთან დაშორების საკითხს კიდევ ერთხელ შეეხო ინდურ Vogue-თან საუბრისას.

ოსკაროსან მსახიობს ჟურნალისტმა ჰკითხა, თუ როგორ ინარჩუნებს შვილებისთვის ჯანსაღ გარემოს გახმაურებული განქორწინების შედეგ. ანჯელინას პასუხი კი ასეთი იყო:

„მე მას დავშორდი ჩემი ოჯახის კეთილდღეობისთვის. ეს იყო სწორი გადაწყვეტილება. მე ვაგრძელებ კონცენტრირებას მათი ჭრილობების შეხორცებაზე“.

„ზოგმა ისარგებლა ჩემი დუმილით და ბავშვები ხედავენ ტყუილებს მედიაში თავიანთ თავზე, მაგრამ მე ვახსენებ მათ, რომ თავად ყველაზე უკეთ იციან რა არის მართალი. ფაქტია, ეს ექვსი (გულისხმობს შვილებს) ძალიან მამაცი და ძლიერი ახალგაზრდები არიან“, – ამბობს ანჯელინა.

ანჯელინა ჯოლი და ბრედ პიტი ერთმანეთს 2016 წელს დაშორდნენ. თავდაპირველად, ამის მიზეზად ბრედსა და შვილებს შორის რთული ურთიერთობა დასახლდა. როგორც ცნობილია, მსახიობს მედოქსთან ჰქონდა კონფლიქტი.