რეკომენდაციები:
როგორ დავიკლოთ 5-დან 10კგ-მდე 1 კვირაში (წიწიბურას დიეტა) როგორ დავიკლოთ 5-დან 10კგ-მდე 1 კვირაში (წიწიბურას დიეტა) სტატიები სტივენ ჰოკინგი სამყაროს წარმოშობის შესახებ სტივენ ჰოკინგი სამყაროს წარმოშობის შესახებ სტატიები სააღდგომო პასკა სააღდგომო პასკა სტატიები სააღდგომო პასკის რეცეპტი სააღდგომო პასკის რეცეპტი სტატიები „და მაინც რა არის წარმატების საიდუმლო, როგორ გავხდეთ წარმატებული?“ „და მაინც რა არის წარმატების საიდუმლო, როგორ გავხდეთ წარმატებული?“ სტატიები ჰილტონის ფეხები ჰილტონის ფეხები სტატიები გიორგი გურჯიევის ფენომენი გიორგი გურჯიევის ფენომენი სტატიები მოხარშეთ ბანანი და დარიჩინი ერთად და მიიღეთ ძილის წინ – აი, რატომ… მოხარშეთ ბანანი და დარიჩინი ერთად და მიიღეთ ძილის წინ – აი, რატომ… სტატიები ორ კოვზ ‘პერეკისს’ 1 კოვზ სოდას ვუმატებ და 15 წუთით სახეზე ვიჩერებ. აი, რატომ… ორ კოვზ ‘პერეკისს’ 1 კოვზ სოდას ვუმატებ და 15 წუთით სახეზე ვიჩერებ. აი, რატომ… სტატიები ვანგა [რა მოხდება მომავალში?!] ვანგა [რა მოხდება მომავალში?!] სტატიები სოდა და აბუსალათინის ზეთი ცნობილი მკურნალებია: მათ წინაშე ნებისმიერი დაავადება მარცხდება სოდა და აბუსალათინის ზეთი ცნობილი მკურნალებია: მათ წინაშე ნებისმიერი დაავადება მარცხდება სტატიები როგორ შევარჩიოთ ტელესკოპი? როგორ შევარჩიოთ ტელესკოპი? სტატიები Jim Carrey/ბიოგრაფია Jim Carrey/ბიოგრაფია სტატიები ძაღლის ქართული სახელები ძაღლის ქართული სახელები სტატიები ჰოლივუდის 10 ყველაზე ხანმოკლე ქორწინება ჰოლივუდის 10 ყველაზე ხანმოკლე ქორწინება სტატიები ყველაზე გავრცელებული სიზმრები და მათი შესაძლო მნიშვნელობა ყველაზე გავრცელებული სიზმრები და მათი შესაძლო მნიშვნელობა სტატიები
გილოცავთ ბზობას!

გილოცავთ ბზობას!

/ ნანახია:  47 / კომენტარები: 0
შეატყობინე მოდერატორს
გილოცავთ ბზობას!



ბზობა - ბაიაობა
უფლის დიდებით შესვლა იერუსალიმში


მართლმადიდებელი ეკლესია დიდმარხვის მეექვსე კვირა დღეს ზეიმობს მაცხოვრის იერუსალიმში დიდებით შესვლას, რასაც ქრისტიანები ბაიაობას ანუ ბზობას უწოდებენ. ეს გახლავთ ათორმეტთაგან რიგით პირველი მოძრავი დღესასწაული, რომელიც ყოველთვის ემთხვევა ბრწყინვალე აღდგომის წინა კვირა დღეს.

„...ერი მრავალი, რომელ-იგი მოსრულ იყვნეს დღესასწაულსა მას, რამეთუ ესმა, ვითარმედ იესო მოვალს იერუსალემდ, მოიღეს რტოები დანაკის კუდთაგან და განვიდეს მიგებებად მისა, ღაღადებდეს და იტყოდეს: ოსანა! კურთხეულ არს მომავალი, მეუფე ისრაელისაი!“, - ასე აღწერს იოანე მახარებელი მაცხოვრის იერუსალიმში დიდებით შესვლის ამბავს.

მაცხოვრის შესვლა იესუსალიმს ძლევამოსილი მეფის სატახტო ქალაქში შესვლას ჰგავდა. უბრალო ადამიანებმა საზეიმო შეხვედრა მოუწყვეს უფალს.  ეს ზეიმი წინასწარ არავის მოუმზადებია, ის ადამიანთა ყველაზე წმინდა, ყველაზე წრფელი გრძნობების უეცარი და, შეიძლება ითქვას, უფლის მიერ შთაგონებული გამოხატულება იყო. ასე ხდება, როცა ადამიანი ხარობს ღვთის დიდებულებისა და მისთა საკვირველთა საქმეთა გამო.

ამავე დროს, წმიდა სახარება საცნაურს ხდის იმ ფაქტს, რომ უფალი ჩვენი, იესო ქრისტე, ყოველთვის გაურბოდა მიწიერ პატივსა და დიდებას. ის თავმდაბლობითა და სიმშვიდით იფარავდა თავს ამქვეყნიური ზეობისაგან.

როდესაც მაცხოვარი მიუახლოვდა ბეთბაგესა და ბეთანიის მთას, რომელსაც ზეთისხილის მთა ეწოდება, ორი მოწაფე უახლოეს სოფელში გაგზავნა, რათა მიეყვანათ მისთვის შესასვლელშივე დაბმული ვირი და ჩოჩორი, რომლის ზურგზეც ჯერ არავინ მჯდარიყო. მოციქულებმა ბრძანება შეასრულეს. ეს ყველაფერი იმისთვის მოხდა, რომ აღსრულებულიყო წინასწარმეტყველება ზაქარიასი: „და პოვა იესო ვირი და დაჯდა მას ზედა, ვითარცა წერილ არს: ნუ გეშინინ, ასულო სიონისაო! აჰა ესერა მეუფე შენი მოვალს შენდა და ზე ზის იგი კიცვსა ვირისასა“ (იოანე 12, 14-15).

იერუსალიმისაკენ დიდებით მიმავალი ხალხი სამოსელს უფენდა გზაზე, ზოგს კი პალმის (ბზის) რტოები ეკავა და ასე ეგებებოდა მაცხოვარს. ყოველი მხრიდან ისმოდა ღაღადისი: „ოსანა ძესა დავითისასა, კურთხეულ არს მომავალი სახელითა უფლისაჲთა! ოსანა, რომელი ხარ მაღალთა შინა!“ (მათე 21, 9).

ბზის ან პალმის მშვენიერებით ეკლესია უფრო ცხოვლად გამოხატავს უფლის დიდებით შესვლად იერუსალიმში. ეს დიდი ხნის ტრადიციაა. V საუკუნის სასულიერო მოღვაწე, კონსტანტინეპოლის მთავარეპისკოპოსი წმიდა პროკლე, თავის ერთ-ერთ სიტყვაში ასე ამბობს: „ხელთ ვიპყრათ პალმის ტოტები და შევეგებოთ დიდებით მომავალს უფალს ჩვენსას“.

ღმერთი კი ყოველ ჩვენგანს სთხოვს, სულიერად შეეგებოს მას, სამოსლის ნაცვლად გული გაუფინოს კიცვზე მჯდომ მეუფეს, მხურვალე ლოცვა და თაყვანისცემა კი ბზის ტოტებივით მიართვას და ისე მიიღოს უფალი საკუთარ სულში, როგორც იერუსალიმში.

იერუსალიმს დიდებით შესვლით უფალმა მორწმუნეებს სიყვარულის გამომჟღავნების საშუალება მისცა, ხოლო მოძულეებსა და მტრებს - მისი შეცნობისა და სინანულად მოქცევისა.

მოამზადა შალვა კეკელიამ
ჟურნალი „კარიბჭე“, აპრილი, 2004 წ.
კომენტარები 0
კომენტარები ჯერ არაა. დააკომენტარე პირველმა!
დაამატე კომენტარი
Кликните на изображение чтобы обновить код, если он неразборчив